Sathi Re

jab rootha too mujhe manaatee,
girata jab bhee mujhe uthaatee,
toot gaya toon chhod gaee,kaise khud ko samajhaoon,
bol bata ab mere saathee, kaise umr bitaoon.
jeevan se ladate main aaya,
haar kabhee na maana tha,
tere kaaran hee saagar se,
bachakar vaapas aaya tha,
ghar aane kee chaahat kalatak,
khvaab gajab kee hotee thee,
haathon ka tum haar banaatee,
gardan jhukatee meree thee,
yaadon kee pheharist badee,
har yaad mein too hee chhaee,
aisee kaun khushee hai jisame,
tum bin khushiyaan aaee,
gam kaisa na kalatak jaana,
dard ko bin bole pahachaana,
kahaan gaee tum chhod ke mushkil,
sattar se aage ab jaana,
baadal baras rahe hain sang-sang,kaise haal sunaoon,
bol bata ab mere saathee, kaise umr bitaoon.
din to katate idhar-udhar,
raaton ko ajab sannaata hai,
aaj bhee teree bistar saathee,
teree yaad dilaata hai,
bin bole tum chalee gaee,
bin bole ab main rota hoon,
kahaan gaee toon dekh jara,
ashkon mein dard pirota hoon,
deep bina baatee,baatee bin kaise deep jalaoon,
bol bata ab mere saathee, kaise umr bitaoon.
ghar me saare log magar,
koee na saath hamaare,
apane-apane kaam me ulajhe,
naatee-pota saare,
ham bhee hain insaan magar,
hain mook aaj pashuon sa,
hava ke jaise chalanevaale,
kaid vahaan pashuon sa,
bhojan achchhe magar bail sa,
mujhako milata saathee,
kisase dil kee baat karen ham,
kaun hamaara saathee,
apano kee khushiyon se khush,mushkaan kahaan se laoon,
bol bata ab mere saathee, kaise umr bitaoon.
!!! Madhusudan !!!